USAID/Georgia აქტიურად აგრძელებს ბიზნესის მხარდამჭერი ორგანიზაციების ხელშეწყობას ორგანიზაციული შესაძლებლობების გაძლიერების მიმართულებით.  

მიმდინარე პროექტების შესახებ უფრო ვრცლად  ტვ პირველის ეთერში საუბრობს USAID/Georgia-ის ეკონომიკური უსაფრთხოების პროგრამის ასოციაციების განვითარების სპეციალისტი თათა ჯულაყიძე და ICDC-ის მმართველი საბჭოს თავმჯდომარესთან სერგო ნოზაძე.

პროექტი მიზნად ისახავს ბიზნეს ასოციაციების, სავაჭრო პალატების, კლასტერებისა და ბიზნესის მხარდამჭერი ორგანიზაციების შესაძლებლობების გაძლიერებას და მათთვის საუკეთესო საერთაშორისო პრაქტიკების გაზიარებას. ის ხორციელდება ინსტიტუციური და შესაძლებლობების განვითარების ცენტრთან (ICDC) პარტნიორობით.    

ეს არის საერთაშორისო პრაქტიკა, რომლის შექმნაშიც მონაწილეობდა არაერთი საერთაშორისო ორგანიზაცია: გამოიყო 10 კრიტერიუმი, რომლის მიხედვითაც  ხდება ასოციაციების საქმიანობის დიაგნოსტიკა და შეფასება, თუ სად დგას ორგანიზაცია ახლა. ამის შემდგომ, დგება შესაძლებლობების გაძლიერების დოკუმენტი, რომელიც იძლევა რეკომენდაციებს თუ რა მიმართულებით უნდა განვითარდეს ასოციაცია, რომ გახდეს მდგრადი. რის შემდგომაც თავად ორგანიზაციებმა უნდა შექმნან თავიანთი  სტრატეგიული განვითარების სამოქმედო გეგმა, რომლის შესრულებაში მათ დაეხმარება USAID/Georgia ICDC-თან ერთად.

პროექტში უკვე ჩართულია 21ასოციაცია, მათ შორის E-Commerce Association of Georgia/საქართველოს ელექტრონული კომერციის ასოციაცია. მათი შეფასების ეტაპი დაახლოებით 2კვირაში დასრულდება.

ბიზნეს ასოციაციები ხელს უწყობენ ბიზნესის განვითარებას და ხდებიან მნიშივნელოვანი კონტრიბუტორები ქვეყნის განვითარების მიმართულებით, სწორედ ამიტომ არის მნიშვნელოვანი მათი ხელშეწყობა, რომ მოხდეს მათი განვითარდნენ სწორი მიმართულებით.