საქართველოს ელექტრონული კომერციის ასოციაციის აქტივობა განათლების მიმართულებით გრძელდება. 

ბიზნესისა და ტექნოლოგიების უნივერსიტეტსა და საქართველოს ელექტრონული კომერციის ასოციაციას შორის გაფორმდა მემორანდუმი, რომლის ფარგლებშიც ასოციაცია BTU-ს მაგისტრატურის საფეხურის სტუდენტებისთვის ჩაატარებს კურსს - "ელექტრონული კომერციის ადმინისტრირება". ამ სფეროს მნიშვნელობიდან გამომდინარე, პროექტი მიზნად ისახავს, დაეხმაროს დაინტერესებულ მაგისტრანტებს, მიიღონ მეტი ცოდნა ელექტრონული კომერციის შესახებ. კერძოდ, რა მოთხოვნები და ტენდენციები არსებობს ამ სფეროში, რა ფაქტორებს უნდა მიაქციონ ყურადღება, როგორ შექმნან და ჩამოყალიბონ მარკეტინგული და საკომუნუკაციო სტრატეგიები ელექტრონული კომერციის ბიზნესის წარმატებულად დაგეგმვისა და ადმინისტრირების მიზნით.

 კურსის ფარგლებში ძირითადი აქცენტები გაკეთდება შემდეგ საკითხებზე:

• ელექტრონული კომერციის არსი და ეკოსისტემა;
• ამ მიმართულებით არსებული საკანონმდებლო და სარეგულაციო ჩარჩოები;
• ბიზნესის ასაგებად საჭირო ინფრასტრუქტურა და ვებ-დიზაინი;
• მარკეტინგული სტრატეგიების შექმნდა და ლოჯისტიკის მართვა;
• რისკების მართვა.

ელექტრონული კომერცია საქართველოში სწრაფი ტემპით ვითარდება და მალე, ისევე როგორც მთელს მსოფლიოში, მნიშვნელოვან წილს დაიკავებს ქვეყნის ეკონომიკის მაჩვენებლებში. ამიტომაც, საქართველოს ელექტრონული კომერციის ასოციაცია აქტიურად ცდილობს ამ მიმართულებით დაინტერესებული სტუდენტების ინფორმირებას, ცოდნის გავრცელებასა და ცნობიერების ამაღლებას.